محبت خار دامن بن کے رسوا ہو گئی آخر
محبت خار دامن بن کے رسوا ہو گئی آخر
یہ اقلیم عزیزاں بے زلیخا ہو گئی آخر
بساط آرزو تصویر صحرا ہو گئی آخر
وہ ہنگاموں کی بستی ہو کی دنیا ہو گئی آخر
نشان صبح یوں گم ہے کہ اب نکلے نہ جب نکلے
ادھر انداز شب ایسا کہ گویا ہو گئی آخر
مری آنکھوں کا بس اک خواب تھی وہ حسرت پنہاں
جو خود ان کی نگاہوں کا تقاضا ہو گئی آخر
قلم کو ہے اسی صورت کدے کی جستجو یعنی
کہیں پنہاں تھی وہ صورت جو پیدا ہو گئی آخر
فقط ایماں ہی کیا پامال ہیں ایماں شکن لاکھوں
دلوں کی وہ متاع کافری کیا ہو گئی آخر
نمود صبح وعدہ سے تو خیر امید ہی کیا تھی
وہ فرقت کی شب ہنگامہ آرا ہو گئی آخر
کبھی یہ لرزشیں ساز آشنا ہوں گی تو دیکھو گے
دلوں کی بے کلی آشوب دریا ہو گئی آخر
ہم اپنے چاک دامن پر بہت رسوا رہے حقیؔ
نظر آئین محفل سے شناسا ہو گئی آخر
شان الحق حقی 
(529) ووٹ وصول ہوئے
In Urdu By Famous Poet Shaanul Haq Haqqi. is written by Shaanul Haq Haqqi. Enjoy reading Poem on Inspiration for Students, Youth, Girls and Boys by Shaanul Haq Haqqi. Free Dowlonad by Shaanul Haq Haqqi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends