ایمائے غزل کرتی ہیں موسم کی ادائیں
ایمائے غزل کرتی ہیں موسم کی ادائیں
اک موج ترنم کی ہوس میں ہیں فضائیں
نغموں کی زباں میں کوئی سمجھے تو بتائیں
کیا چیز ہے یہ طرز یہ طرحیں یہ ادائیں
روکے نہ گئے سینۂ خارا سے وہ طوفاں
ہیں جن کو کناروں میں لئے ننگ قبائیں
آئینے سے ہوتی ہیں صلاحیں کہ کسی کو
جب خوب مٹانا ہو تو کس طرح مٹائیں
ایسی ہی ترے شہر میں ہوتی ہے مروت
ایسی ہی مرے دیس میں ہوتی ہیں وفائیں
دیکھے کوئی افلاک کا یہ جوش تباہی
تنکے کو ڈرنا ہو تو طوفان اٹھائیں
ٹھہرا ہوں اسی بات پہ میں لائق تعزیر
جس بات پہ بخشی گئیں اوروں کی خطائیں
دیوانوں کو دنیا سے الجھنے کی کہاں تاب
فرصت ہو تو اک اور ہی دنیا نہ بنائیں
یہ کون سے زنداں کی گرائی گئی دیوار
یہ کون سی تعمیر کی اٹھتی ہیں بنائیں
اے مسکن خوبان زماں شہر عزیزاں
ہم بھی کبھی بکنے ترے بازار میں آئیں
شان الحق حقی 
(497) ووٹ وصول ہوئے
In Urdu By Famous Poet Shaanul Haq Haqqi. is written by Shaanul Haq Haqqi. Enjoy reading Poem on Inspiration for Students, Youth, Girls and Boys by Shaanul Haq Haqqi. Free Dowlonad by Shaanul Haq Haqqi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends