ہوا دے کر دبے شعلوں کو بھڑکایا نہیں جاتا
ہوا دے کر دبے شعلوں کو بھڑکایا نہیں جاتا
دکھا کر جام مے پیاسوں کو ترسایا نہیں جاتا
نہ لے جا دور گلشن سے ارے صیاد بلبل کو
کہ بیمار محبت پر ستم ڈھایا نہیں جاتا
تری تر دامنی کو دیکھ کر کچھ شک سا ہوتا ہے
کہ دھبہ دامن معصوم پر پایا نہیں جاتا
ہیں دونوں نور کے ٹکڑے مگر حفظ مراتب سے
ستاروں کو شہ خاور سے ٹکرایا نہیں جاتا
بہارو ہے بری یہ بات ہم سے عاشق گل کو
دکھا کے روئے گل کانٹوں میں الجھایا نہیں جاتا
نہ کر نشتر زنی صیاد سادہ لوح بلبل پر
نہ جانے جو تڑپنا اس کو تڑپایا نہیں جاتا
ظہیرؔ خستہ یہ بھی اک اصول پاس الفت ہے
زباں پر کلمۂ شکوہ کبھی لایا نہیں جاتا
سید ظہیر الدین ظہیر 
(420) ووٹ وصول ہوئے
In Urdu By Famous Poet Sayyad Zahiruddin Zaheer. is written by Sayyad Zahiruddin Zaheer. Enjoy reading Poem on Inspiration for Students, Youth, Girls and Boys by Sayyad Zahiruddin Zaheer. Free Dowlonad by Sayyad Zahiruddin Zaheer in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends