سائے کا اضطراب
آج تم تک پہنچ کر
تمہاری آنکھوں کے آئینوں میں جھانک کر
خود کو ٹٹولا
تو معلوم ہوا کہ
میرا جسم تو تم تک آتے آتے
کہیں بیچ رستے میں گم ہو گیا تھا
میرا دل!!
کسی اور سینے میں دبا دیا گیا تھا
مرے ہونٹ
سرخیوں کی تہوں کے نیچے
پڑے پڑے سیاہ ہو چکے تھے
میری خوشبو
جو میں تمہارے لیے لا رہی تھی
کسی پچھلے جھونکے نے
اپنے جسم میں ٹانک لی تھی
میرا خواب
اپنی رات کی کوکھ میں
غلطی سے کسی اور کے لیے
صبح کا پہلا حرف رکھ چکا تھا
میرے قلم کی روشنائی کو
لفظ کا ایک سمندر پی چکا تھا
اور میری آنکھوں کی پتلیوں میں ناچتی روشنی کی
کسی سراب سے دوستی ہو چکی تھی
اور اب وہ شاید اسی کے ساتھ بہہ رہی ہے
سو اب تمہاری آنکھوں کے آئینوں میں
میں نہیں
صرف ایک سائے کا اضطراب
ڈولتا نظر آ رہا ہے
ثروت زہرا 
(487) ووٹ وصول ہوئے
In Urdu By Famous Poet Sarwat Zehra. is written by Sarwat Zehra. Enjoy reading Poem on Inspiration for Students, Youth, Girls and Boys by Sarwat Zehra. Free Dowlonad by Sarwat Zehra in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends