صداؤں کا سمندر
صداؤں کا سمندر
میرے جسم میں
ایک صداؤں کا سمندر ٹھہر گیا ہے
یہ میری آنکھ
کسی خواب کے پیہم چٹخنے کی
گونج دے رہی ہے
میں اپنی کوکھ میں سے
خاموشیوں کے ہمکنے کی
آواز سن رہی ہوں
اور پھر!
میری انگلی کی پوروں سے
میرے حرف بہے جا رہے ہیں
میرے خون کی روانیاں
جسم کی نالیوں میں سے
کسی بپھرتی ہوئی موج کی طرح
اپنے ساحل کو پکارتی ہیں
اور میری سانس
میرے اعضا کے بیچ سے یوں جا رہی ہے
جیسے
ویران جھاڑیوں کے درمیان سے
گزرتی ہوئی وہ ہوا ہو
جو سوکھے ہوئے زرد پتوں کے راز بانٹتی ہے
اور میں اپنے جسم کی بوسیدہ دیوار سے کان لگائے
ہر ایک صدا کو بغور سن رہی ہوں
اور شاید انہی میں بہہ رہی ہے
ثروت زہرا 
(485) ووٹ وصول ہوئے
In Urdu By Famous Poet Sarwat Zehra. is written by Sarwat Zehra. Enjoy reading Poem on Inspiration for Students, Youth, Girls and Boys by Sarwat Zehra. Free Dowlonad by Sarwat Zehra in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends