ان آنکھوں میں کئی سپنے کئی ارمان تھے لیکن
ان آنکھوں میں کئی سپنے کئی ارمان تھے لیکن
سکوت لب کی تہہ میں کس قدر طوفان تھے لیکن
عقیدت کب تھی اسناد شعور و فہم کی قائل
ہجوم شہر کا کچھ پارسا ایمان تھے لیکن
رسائی منزل مقصود تک ممکن سی لگتی تھی
بظاہر آگہی کے مرحلے آسان تھے لیکن
لگا کر ان کو دل سے میں سفر کرتا رہا برسوں
وہ کچھ لمحے جو میرے حوصلوں کی جان تھے لیکن
اگرچہ کچھ نگاہیں تیر برساتی رہیں پیہم
اگرچہ کچھ روئیے باعث نقصان تھے لیکن
قلم ان پر اٹھانا چاہتا تھا میں بہ ہر صورت
مرے چاروں طرف بکھرے ہوئے عنوان تھے لیکن
امور سلطنت تکرار آداب شہنشاہی
مرصع خواب گاہیں مسندیں دالان تھے لیکن
یہ تحریریں یہ تصویریں یہ سب قصے یہ سب چہرے
مرے گزرے ہوئے ایام کی پہچان تھے لیکن
کبھی ہم در بدر بھی ماں کی اقلیم محبت کے
سریر آرائی مطلق بخت ور سلطان تھے لیکن
سرور ارمان 
(606) ووٹ وصول ہوئے
In Urdu By Famous Poet Sarwar Arman. is written by Sarwar Arman. Enjoy reading Poem on Inspiration for Students, Youth, Girls and Boys by Sarwar Arman. Free Dowlonad by Sarwar Arman in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends