کوئی اس سے نہیں کہتا کہ یہ کیا بے وفائی ہے
کوئی اس سے نہیں کہتا کہ یہ کیا بے وفائی ہے
چرا کر دل مرا اب آنکھ بھی اپنی چرائی ہے
اٹھو اے مے کشو آباد مے خانہ کریں چل کر
ذرا دیکھو تو کیا کالی گھٹا گھنگھور چھائی ہے
بتوں کے عشق سے ہم باز آئے ہیں نہ آئیں گے
نہیں پروا ہمیں دشمن اگر ساری خدائی ہے
نشاط دل کو دشمن کے بنائیں گے اسی سے ہم
وہ کہتے ہیں تری آہ رسا تیرا ہوائی ہے
بگڑ کر غیر سے تم آئے ہو ہم یہ سمجھتے ہیں
ہمارے سامنے بے وجہ کیوں صورت بنائی ہے
ہر اک مشکل سے مشکل کام بنتا ہے بنانے سے
مگر بگڑی ہوئی قسمت کسی نے کب بنائی ہے
خبر سن کر مرے مرنے کی وہ کہنے لگے ہنس کر
کسی دشمن نے شاید یہ خبر جھوٹی اڑائی ہے
گلوں کو نغمۂ بلبل سنائی تک نہیں دیتا
ترے دیوانوں نے وہ دھوم گلشن میں مچائی ہے
دل عاشق میں ہو اے مشرقیؔ گر جذب دل کامل
وہ بت پھر کیوں نہ مائل ہو کوئی گھر کی خدائی ہے
سردار گینڈا سنگھ مشرقی 
(446) ووٹ وصول ہوئے
In Urdu By Famous Poet Sardar Genda Singh Mashriqi. is written by Sardar Genda Singh Mashriqi. Enjoy reading Poem on Inspiration for Students, Youth, Girls and Boys by Sardar Genda Singh Mashriqi. Free Dowlonad by Sardar Genda Singh Mashriqi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends