جینا مرنا دونوں محال
جینا مرنا دونوں محال
عشق بھی ہے کیا جی کا وبال
مال و منال و جاہ و جلال
اپنی نظر میں وہم و خیال
ہم نہ سمجھ پائے اب تک
دنیا کی شطرنجی چال
کچھ تو شہ بھی تمہاری تھی
ورنہ دل کی اور یہ مجال
کس کس سے ہم نبٹیں گے
ایک ہے جان اور سو جنجال
مست کو گرنے دے ساقی
ہاں اس کے شاعر کو سنبھال
ہم اور خوف رسوائی
ناصح بھی کرتا ہے کمال
ان کی نظر سے گر گیا جب
شیشۂ دل میں آیا بال
کچھ دنیا کے کچھ دل کے
روگ لئے ہیں ہم نے پال
ساقی ساغر بھر دے جلد
ڈھال نگاہوں سے بھی ڈھال
عمر تو کیا پائی ہے مگر
گزرے ہیں کچھ ماہ و سال
سب دل کی نادانی ہے
کیسا فراق اور کس کا وصال
اپنی وفا بھی نرالی ہے
ان کی جفا بھی بے تمثال
ایک نگہ کی گردش نے
کیا کیا فتنے دئے ہیں اچھال
کیفؔ حزیں و خستہ کی یاد
ممکن ہو تو دل سے نکال
سرسوتی سرن کیف 
(636) ووٹ وصول ہوئے
In Urdu By Famous Poet Saraswati Saran Kaif. is written by Saraswati Saran Kaif. Enjoy reading Poem on Inspiration for Students, Youth, Girls and Boys by Saraswati Saran Kaif. Free Dowlonad by Saraswati Saran Kaif in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends