ایک نازک دل کے اندر حشر برپا کر دیا
ایک نازک دل کے اندر حشر برپا کر دیا
ہائے ہم نے کیوں یہ اظہار تمنا کر دیا
اب نہیں ہے خشک آنکھوں میں سوا وحشت کے کچھ
انتہائے غم نے کیا دریا کو صحرا کر دیا
ان کے در کو چھوڑ کر در در بھٹکتے ہم رہے
وحشت دل نے عجب انجام الٹا کر دیا
وسوسے امید کے دم سے جو تھے سب مٹ گئے
انتہائے درد نے غم کا مداوا کر دیا
لب پہ لکنت آنکھوں میں وحشت ہے چہرہ زرد ہے
اشتیاق حور نے زاہد کو کیسا کر دیا
گو نہیں امید اس سے تھی عنایت کی مگر
یہ تھا فرض عاشقی ہم نے تقاضا کر دیا
اک نزاع مستقل رہتی ہے عقل و شوق میں
ترک الفت نے تو اب دشوار جینا کر دیا
دل تو تھا اک قطرۂ خوں کیا حقیقت اس کی تھی
تیرے غم نے قلزم ذخار جیسا کر دیا
افترا و مکر سے شاید تجھے ملتا وقار
حق پرستی نے تجھے اے کیفؔ رسوا کر دیا
سرسوتی سرن کیف 
(631) ووٹ وصول ہوئے
In Urdu By Famous Poet Saraswati Saran Kaif. is written by Saraswati Saran Kaif. Enjoy reading Poem on Inspiration for Students, Youth, Girls and Boys by Saraswati Saran Kaif. Free Dowlonad by Saraswati Saran Kaif in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends