Fareb-e-KHubi-e-nairang Dekhne Ke Liye
fareb-e-KHubi-e-nairang dekhne ke liye
nikal paDa hun tere sang dekhne ke liye
tassubaat ke chehre pe ab hai KHush-haali
lahu ke rang ko be-rang dekhne ke liye
zara shuur ki aankhen to kholiye sahab
kamal-e-zabt ka aahang dekhne ke liye
nigar-KHana-e-fan ke jamal ki saugandh
main aa gaya hun tere Dhang dekhne ke liye
talluqat ka loha to gal chuka hoga
palaT ke aae ho ab zang dekhne ke liye
Sanjay Mishra Shauq 
(1230) Peoples Rate This