تب کے کیا حاصل وفا ہوگا
تب کے کیا حاصل وفا ہوگا
عشق جب طالب سزا ہوگا
میں ہی شاید نہ سن سکا یا رب
اس نے کچھ تو مجھے کہا ہوگا
خود پرستی ہو جس کی فطرت میں
وہ تو بے شرم بے حیا ہوگا
پھر محبت نہ کرنا چاہو گے
میرا فسانہ گر سنا ہوگا
غم مرے ساتھ تھا ہمیشہ سے
اب کے وہ بھی ذرا خفا ہوگا
خواہشیں اور بڑھتی جائیں گی
کیا یہی حاصل دعا ہوگا
کس کہ آہٹ سنائی دیتی ہے
زخم شاید کوئی نیا ہوگا
تھی اسی دم پہ تھوڑی رعنائی
اب خیال اس کا بھی گیا ہوگا
کیسا ہر سمت یہ اندھیرا ہے
چاند شاید بجھا بجھا ہوگا
کیا کہا ظلم اس کی فطرت ہے
اس کو جانے دے وہ خدا ہوگا
آندھیوں کو بھی کر رہا روشن
کیسا وہ سرپھرا دیا ہوگا
موت جس کو لگے ہے دشمن سی
ہر گھڑی ڈر کے وہ جیا ہوگا
موت کا خوف وہ نہیں رکھتا
ایک لمحہ بھی جو جیا ہوگا
اپنی ہستی مٹا سکوں نادمؔ
اس سے بڑھ کر جنون کیا ہوگا
سندیپ کول نادم 
(490) ووٹ وصول ہوئے
In Urdu By Famous Poet Sandeep Koul Nadim. is written by Sandeep Koul Nadim. Enjoy reading Poem on Inspiration for Students, Youth, Girls and Boys by Sandeep Koul Nadim. Free Dowlonad by Sandeep Koul Nadim in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends