وہ آرزو کہ دلوں کو اداس چھوڑ گئی
وہ آرزو کہ دلوں کو اداس چھوڑ گئی
مری زباں پہ سخن کی مٹھاس چھوڑ گئی
لکھی گئی ہے مری صبح کے مقدر میں
وہ روشنی جو کرن کا لباس چھوڑ گئی
اٹھی تھی موج جو مہتاب کے کنارے سے
زمیں کے گرد فلک کی اساس چھوڑ گئی
یہ کس مقام تمنا سے بے خودی گزری
یہ کس کا نام پس التماس چھوڑ گئی
چراغ زیست سے اتری تھی ایک حرف کی لو
جلو میں اپنی مرا اقتباس چھوڑ گئی
گزر گئی ہے افق سے سپاہ شب لیکن
جوار صبح میں خوف و ہراس چھوڑ گئی
گھٹا اٹھی تھی کسی تشنگی کے صحرا سے
جو قطرہ قطرہ سمندر کی پیاس چھوڑ گئی
مری خموش لبی مجھ میں رات بھر گونجی
صدائیں کتنی مرے آس پاس چھوڑ گئی
یہ کس خیال کی پرچھائیں تھی منڈیروں پر
تمام شہر کو محو قیاس چھوڑ گئی
بسی جو آ کے زمیں میں صمدؔ شناخت مری
مرے بدن میں سجا کر حواس چھوڑ گئی
صمد انصاری 
(664) ووٹ وصول ہوئے
In Urdu By Famous Poet Samad Ansari. is written by Samad Ansari. Enjoy reading Poem on Inspiration for Students, Youth, Girls and Boys by Samad Ansari. Free Dowlonad by Samad Ansari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends