لب تنور
میں اکثر رات کی تنہائی سے یہ پوچھتا ہوں
کہ میرا آج میرے کل سے کیوں کر مختلف ہے
وہی میں ہوں وہی دیوانگی ہے
وہی وحشت وہی فکر معیشت
یہ بے چینی یہ ویرانی
مجھے کیوں کھائے جاتی ہے
مگر جذبوں سے عاری درد سے غافل یہ تنہائی
سدا خاموش رہتی ہے
مجھے لگتا ہے تنہائی
فقط بہری نہیں گونگی بھی ہے شاید
وہی گمبھیر سناٹا وہی ویران تاریکی
بھلا تنہائی بھی کچھ بولتی ہے
مگر بدلی سے اکثر
چاند اپنا سر نکالے
مجھے آواز دے کر پوچھتا ہے
کہ دیوانے تو اب تک جاگتا ہے
یہ کیسی فکر روز و شب
یہ کیسی گریہ زاری
سلگتی دھیمے دھیمے
راکھ بنتی رات
آخر کٹ ہی جائے گی
مگر تو کوئی تاجر ہے
نہ ساہوکار نہ بنیا
تو پھر کیوں آج کل میں بانٹتا ہے
درد کی دولت
یہ وہ سودا نہیں
جو ہر کسی کو راس آ جائے
کٹھن ہو یا پر آسائش مگر یہ رات گزرے گی
''شب سمور گزشت لب تنور گزشت
سلمان انصاری 
(508) ووٹ وصول ہوئے
In Urdu By Famous Poet Salman Ansari. is written by Salman Ansari. Enjoy reading Poem on Inspiration for Students, Youth, Girls and Boys by Salman Ansari. Free Dowlonad by Salman Ansari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends