پیش ادراک مری فکر کے شانے کھل جائیں
پیش ادراک مری فکر کے شانے کھل جائیں
ہر طرف عالم امکاں کے بہانے کھل جائیں
تجھ پہ موقوف ہے دنیا کی تہی دامانی
تو جو کھل جائے تو عالم کے خزانے کھل جائیں
پھر سے آنکھوں کو مری نور بصیرت ہو عطا
اس صنم خانے میں پھر آئنہ خانے کھل جائیں
شمع ہستی ہوئی بیدار فلک سے کہہ دو
اژدہان شب ظلمت کے دہانے کھل جائیں
اب کوئی دست رفاقت نہ رکھے سینے پر
عین ممکن ہے کہ زخموں کے مہانے کھل جائیں
ادھ کھلی آنکھ میں رقصاں ہے غم مستقبل
بند ہو آنکھ تو گم گشتہ زمانے کھل جائیں
تو اگر فکر کی پرواز کو بخشے رفعت
کون جانے کہ کہاں کتنے ٹھکانے کھل جائیں
لب کشا ہوں تو بکھر جائیں فسانے کتنے
چپ جو ہو جاؤں تو اوراق پرانے کھل جائیں
اس عقیدت کو محبت سے بدل لے سالمؔ
کیا پتہ کب تری تسبیح کے دانے کھل جائیں
سالم شجاع انصاری 
(607) ووٹ وصول ہوئے
In Urdu By Famous Poet Salim Shuja Ansari. is written by Salim Shuja Ansari. Enjoy reading Poem on Inspiration for Students, Youth, Girls and Boys by Salim Shuja Ansari. Free Dowlonad by Salim Shuja Ansari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends