پھر کوئی محشر اٹھانے میری تنہائی میں آ
پھر کوئی محشر اٹھانے میری تنہائی میں آ
اپنے ہونے کی خبر لے کر کبھی بستی میں آ
دیکھنا ٹھہرا تو پھر اک یہ تماشا بھی سہی
آگ لگنے کی خبر سن کر ہی اب کھڑکی میں آ
اے مرے ہونٹوں کی لذت شاخ کو بوجھل نہ کر
اک ہلورے میں شجر سے ٹوٹ کر جھولی میں آ
جرم بے لذت ہے ساحل پر تری تر دامنی
یا پلٹ خشکی کی جانب یا کھلے پانی میں آ
توڑ بھی دے حلقۂ یاراں بہت شب ڈھل چکی
نقل زندانی کو گھر کی چار دیواری میں آ
میرے پیروں میں تو زنجیریں گلی کوچوں کی ہیں
مجھ سے ملنے شہر کی گنجان آبادی میں آ
خواہش بے خانماں کو لا مکان حرف میں
نو ولد بچے کی صورت پیکر معنی میں آ
نیند کچھ کر لے کہ تازہ آنکھ پہ سورج کھلے
صبح ساحل پر اترنا ہے تو اس کشتی میں آ
خون شریانوں کا آنکھوں میں دکھائی دے سکے
تو بھی دریا ہے اگر شاہدؔ تو طغیانی میں آ
سلیم شاہد 
(574) ووٹ وصول ہوئے
In Urdu By Famous Poet Saleem Shahid. is written by Saleem Shahid. Enjoy reading Poem on Inspiration for Students, Youth, Girls and Boys by Saleem Shahid. Free Dowlonad by Saleem Shahid in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends