بس لوٹ آنا
سچائیاں اپنے وقت میں
کبھی جی نہیں پاتیں
سو آنکھوں نے ہمیشہ
لمحوں سے دھوکے کھائے
تمہیں کیسے رخصت کروں
کہ یہ بات امام ضامن اور دعا سے
بہت آگے بہت آگے ہے
ہتھیلیوں کے گرداب پھسلتے پھسلتے
بینائی کی دہلیز پہ آ بیٹھے ہیں
انگلیاں کانوں کو کہاں تک دستک سے دور رکھیں گی
دعاؤں کی چھتری میں اکثر
سوراخ رہ جاتے ہیں
میں تمہیں کون سی چادر تحفہ دوں
کہ آج کل جولاں ہے
عزت سے زیادہ کاغذ کمانے کے چکر میں ہیں
میں نے مٹھی کھول کر دیکھی
تو سب لکیروں سے زیادہ بانجھ نکلیں
میرے پاس سبز نہیں ہیں
کہ زرد پتوں کی وسعت نے خاک سے نیل تک
سرسوں کا موسم کا شت کر رکھا ہے
میرے پاس کچھ بھی نہیں
بس لوٹ آنا
کہ تمہارے آنے تک
میری آنکھیں تیرگی کی سلاخوں میں قید رہیں گی
سلیم فگار 
(656) ووٹ وصول ہوئے
In Urdu By Famous Poet Saleem Figar. is written by Saleem Figar. Enjoy reading Poem on Inspiration for Students, Youth, Girls and Boys by Saleem Figar. Free Dowlonad by Saleem Figar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends