وہ تیرگیٔ شب ہے کہ گھر لوٹ گئے ہیں
وہ تیرگیٔ شب ہے کہ گھر لوٹ گئے ہیں
اس در سے ابھی نجم و قمر لوٹ گئے ہیں
اے موسم گل تو ابھی آیا ہے یہاں پر
جب شاخ و شجر دیدۂ تر لوٹ گئے ہیں
شب بھر تو تری یاد کا میلہ سا لگا تھا
اس بھیڑ میں کچھ خواب سحر لوٹ گئے ہیں
ہم ہیں کہ ترے ساتھ چلے جاتے ہیں ورنہ
سب لوگ شروعات سفر لوٹ گئے ہیں
جب شام کے سائے شجر و شاخ سے اترے
ہم تکتے ہوئے راہگزر لوٹ گئے ہیں
آئے تھے بہت طیش میں وہ مجھ کو ڈبونے
دیکھا جو مرا عزم بھنور لوٹ گئے ہیں
سناٹے تجھے ملنے کو آئے تھے سویرے
روکا تھا بہت ہم نے مگر لوٹ گئے ہیں
بس ہم ہیں ترے شہر میں ٹھہرے ہوئے اب تک
سب تاجر مرجان و گہر لوٹ گئے ہیں
اب کے تو یہ صحرا بھی سہارا نہیں دیتا
دیوانے سبھی خاک بہ سر لوٹ گئے ہیں
خوابوں کو سلیمؔ آنکھ میں رکنا ہی نہیں تھا
وہ کر کے مجھے زیر و زبر لوٹ گئے ہیں
سلیم فراز 
(580) ووٹ وصول ہوئے
In Urdu By Famous Poet Saleem Faraz. is written by Saleem Faraz. Enjoy reading Poem on Inspiration for Students, Youth, Girls and Boys by Saleem Faraz. Free Dowlonad by Saleem Faraz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends