سہانے خواب آنکھوں میں سنجونا چاہتا ہوں
سہانے خواب آنکھوں میں سنجونا چاہتا ہوں
میں اب آرام سے کچھ دیر سونا چاہتا ہوں
شجر کو بار آور دیکھنا مقصد نہیں ہے
کہ میں تو بس زمیں پر خواب بونا چاہتا ہوں
مرے ہنستے ہوئے بچو یہ سارا گھر تمہارا
میں رونے کے لئے بس ایک کونا چاہتا ہوں
نواح زیست میں کیوں بارشیں ہوتی نہیں ہیں
میں پچھلے موسموں کے زخم دھونا چاہتا ہوں
بس اس کے آنے تک موسم مجھے سرسبز رکھنا
اسے اک خار اب میں بھی چبھونا چاہتا ہوں
مجھے بے خواب رکھتی ہے کبھی دنیا کبھی دل
میں بچوں کی طرح بے فکر سونا چاہتا ہوں
ہواؤ کیا تمہارا مہرباں شانہ ملے گا
دہاڑیں مار کر میں آج رونا چاہتا ہوں
جسے ہے جاں عزیز اپنی اتر جائے کنارے
میں اپنی ناؤ موجوں میں ڈبونا چاہتا ہوں
سلیمؔ اب آندھیوں سے ہم رکابی کس لئے ہے
سر مژگاں بچا کیا ہے کہ کھونا چاہتا ہوں
سلیم فراز 
(554) ووٹ وصول ہوئے
In Urdu By Famous Poet Saleem Faraz. is written by Saleem Faraz. Enjoy reading Poem on Inspiration for Students, Youth, Girls and Boys by Saleem Faraz. Free Dowlonad by Saleem Faraz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends