فصل جنوں میں دامن و دل چاک بھی نہیں
فصل جنوں میں دامن و دل چاک بھی نہیں
کیا دشت ہے کہ اڑتی کہیں خاک بھی نہیں
جینا ترا محال تو ہونا ہی تھا کہ تو
اس دور کے حساب سے چالاک بھی نہیں
رقص جنوں تو خیر بڑی بات ہے مگر
اب شہر میں نمائش ادراک بھی نہیں
اچھا ہوا کہ جلد ہی تو نے اتار دی
جچتی ہے سب پہ درد کی پوشاک بھی نہیں
دریا کجا کہ تشنہ لبوں کے لیے تو اب
رستے میں کوئی دیدۂ نمناک بھی نہیں
وہ دن بھی تھے کہ آنکھ بچھاتے تھے برگ و گل
اب مجھ پہ ملتفت خس و خاشاک بھی نہیں
دھل جائیں جس کے لمس سے دل کی کثافتیں
بانہوں میں وہ ترا بدن پاک بھی نہیں
کیوں سوگوار اب بھی ہے مرگ ضمیر پر
وہ واقعہ تھا اتنا المناک بھی نہیں
اک عمر سے کنارۂ بے چارگی پہ ہوں
دریا چڑھا ہے اور میں تیراک بھی نہیں
کیوں خشک ہو گیا شجر آرزو سلیمؔ
موسم تھا جبکہ زیست کا سفاک بھی نہیں
سلیم فراز 
(563) ووٹ وصول ہوئے
In Urdu By Famous Poet Saleem Faraz. is written by Saleem Faraz. Enjoy reading Poem on Inspiration for Students, Youth, Girls and Boys by Saleem Faraz. Free Dowlonad by Saleem Faraz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends