عشق اور ننگ آرزو سے عار
عشق اور ننگ آرزو سے عار
دل خوددار پر خدا کی مار
اور کیا دیکھنا ہے ذوق نظر
حسن اور آئینے سے ہو بیزار
شکوۂ جور ہے نہ شوق کرم
یوں بھی آنا تھا اہل دل کو قرار
شاد اب کیوں نہیں دل مغموم
حسن کو خود جفا سے ہے انکار
لطف ایسا کہ کچھ نہیں تخصیص
جیسے سب کے لیے کھلا بازار
ایک بول ایک دام سودا نقد
اور نہ کچھ بھاؤ تاؤ کی تکرار
سکۂ کم عیار داغ جگر
پوچھ اس کی نہیں کہیں زنہار
سنگ ریزوں کے دام اٹھتے ہیں
پارۂ دل ہے مفت بھی بے کار
سرد مہری ہے بیچ کی دلال
جس کا دونوں طرف سے ہے بیوپار
رہن ہے اس کے نام جو کچھ ہے
حسن کا ناز عشق کا پندار
غرض اس ربط سے ہوئے ہیں بہم
عشق بے کیف و حسن کم آزار
گانٹھتے ہیں پھٹے ہوئے جذبات
ہو کے سید بنے سلیمؔ چمار
سلیم احمد 
(453) ووٹ وصول ہوئے
In Urdu By Famous Poet Saleem Ahmed. is written by Saleem Ahmed. Enjoy reading Poem on Inspiration for Students, Youth, Girls and Boys by Saleem Ahmed. Free Dowlonad by Saleem Ahmed in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends