دل ہی میرا فقط ہے مطلب کا
دل ہی میرا فقط ہے مطلب کا
یا جگر بھی ہے آپ کے ڈھب کا
قیس و فرہاد سے میں ہوں واقف
ہو چکا ہے مقابلہ سب کا
کھائی ہے اک نئی مٹھائی آج
بوسہ پایا ہے یار کے لب کا
مے کدہ میں شراب پیتے ہیں
یہ پتا ہے ہمارے مشرب کا
شیعہ سنی میں تو بکھیڑے ہیں
نام لوں کس کے آگے مذہب کا
ملک الموت سے کہو پھر جائیں
جیتے جی مر چکا ہوں میں کب کا
آپ فرمائیں ہجر کا احوال
میں کروں ذکر وصل کی شب کا
صبح کو جھونکے نیند کے کیسے
کہیں جاگا ہوا ہے تو شب کا
اس کے کوچہ کی بھیک چاہتے ہیں
شوق جاگیر کا نہ منصب کا
رہے دن بھر وہ مدعی میرے
یاد کر کے معاملہ شب کا
برگ گل آ میں تیرے بوسے لوں
تجھ میں ہے ڈھنگ یار کے لب کا
نقد دل دیتا ہوں تو کہتے ہیں
واہ ایسا سخیؔ ہے تو کب کا
سخی لکھنوی 
(575) ووٹ وصول ہوئے
In Urdu By Famous Poet Sakhi Lakhnvi. is written by Sakhi Lakhnvi. Enjoy reading Poem on Inspiration for Students, Youth, Girls and Boys by Sakhi Lakhnvi. Free Dowlonad by Sakhi Lakhnvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends