گھرتے بادل میں تنہائی کیسی لگتی ہے
گھرتے بادل میں تنہائی کیسی لگتی ہے
ملن کا موسم اور جدائی کیسی لگتی ہے
سونے من کے تاروں سے جب باتیں ہوتی ہوں
دوجے آنگن کی شہنائی کیسی لگتی ہے
دل کی چوٹ ابھر آئے اور زخم ہرے ہو جائیں
یادوں کی چلتی پروائی کیسی لگتی ہے
تم کو شہر خیال میں رہنا کیسا لگتا ہے
وہ بستی جو دل نے بسائی کیسی لگتی ہے
چڑھتے روپ کی سورج دیوتا اور بھی مان بڑھائیں
دھندلی آنکھوں کی بینائی کیسی لگتی ہے
جگ بیتے جب جگ مگ یہ دل اس کی جوت سے تھا
اب جو وہ صورت پھر یاد آئی کیسی لگتی ہے
دل تو اپنا بھر بھر آئے نیت نہیں بھرے
عمر کا حاصل ایسی کمائی کیسی لگتی ہے
بچپن اور جوانی بوڑھی عمر کے در پے ہیں
تینوں زمانوں کی یکجائی کیسی لگتی ہے
باقرؔ ساری عمر گزاری کوئے ملامت میں
آخر عمر کی یہ رسوائی کیسی لگتی ہے
سجاد باقر رضوی 
(505) ووٹ وصول ہوئے
In Urdu By Famous Poet Sajjad Baqar Rizvi. is written by Sajjad Baqar Rizvi. Enjoy reading Poem on Inspiration for Students, Youth, Girls and Boys by Sajjad Baqar Rizvi. Free Dowlonad by Sajjad Baqar Rizvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends