دل خوں ہوا ہے شوخیٔ رنگ حنا کے ساتھ
دل خوں ہوا ہے شوخیٔ رنگ حنا کے ساتھ
ہے معنیٔ بلند بھی طرز ادا کے ساتھ
چٹکا جو دل تو مثل گل تر بکھر گیا
خوشبو صبا کے ساتھ تھی نغمہ صدا کے ساتھ
یہ حال ہے چمن میں کہ اب مثل برگ خشک
آوارہ ایک عمر سے ہیں ہم ہوا کے ساتھ
زلفیں ادھر کھلیں ادھر آنسو امنڈ پڑے
ہیں سب کے اپنے اپنے روابط گھٹا کے ساتھ
تم رنگ تھے تو خوئے وفا تھی گلوں میں تھے
خوشبو بنے تو اڑ گئے موج صبا کے ساتھ
آہٹ پہ کان راہ میں آنکھوں بچھی ہوئی
ہم دور تک چلے تری آواز پا کے ساتھ
سنکی ہوا تو شورش زنداں بھی بڑھ گئی
دل وجد میں ہے نغمۂ زنجیر پا کے ساتھ
ہے انتہائے شوق بھی بے راہیوں کا باب
ہم تھوڑی دور چلتے ہیں ہر رہنما کے ساتھ
آخر کو گرد ہو کے رہے مثل گرد باد
دو چار ہاتھ ہم بھی اڑے تھے ہوا کے ساتھ
باقرؔ تمہارا شہر میں ضامن بنے گا کون
کچھ نقد بھی تو چاہیے جنس وفا کے ساتھ
سجاد باقر رضوی 
(785) ووٹ وصول ہوئے
In Urdu By Famous Poet Sajjad Baqar Rizvi. is written by Sajjad Baqar Rizvi. Enjoy reading Poem on Inspiration for Students, Youth, Girls and Boys by Sajjad Baqar Rizvi. Free Dowlonad by Sajjad Baqar Rizvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends