دل ہے تو مقامات فغاں اور بھی ہوں گے
دل ہے تو مقامات فغاں اور بھی ہوں گے
سر ہے تو ابھی سنگ گراں اور بھی ہوں گے
ہم سے کہ ہے سامان فراغت بھی جنوں بھی
تصویر کے پردے میں نہاں اور بھی ہوں گے
واں سلسلۂ زلف میں خم بڑھتے رہیں گے
یاں مشغلۂ غم میں زیاں اور بھی ہوں گے
واں بوئے وفا وہم کو سہہ چند کرے گی
یاں رنگ تغافل پہ گماں اور بھی ہوں گے
ہاں رسم مدارات جنوں اور بڑھے گی
ہاں دشمن دل آفت جاں اور بھی ہوں گے
ہاں وجہ گرفتارئ دل سب کسے معلوم
ہاں طرز ستم ہائے نہاں اور بھی ہوں گے
ہاں اور بڑھے گی قد و گیسو کی حکایت
ہاں قصۂ کوتاہی جاں اور بھی ہوں گے
بھڑکے گی ابھی آتش شوق اور سر دار
ہاں شعلہ لباں سرو قداں اور بھی ہوں گے
ہاں مرحلۂ شوق کے عنواں ہیں ابھی اور
باقرؔ سے کچھ آشفتہ بیاں اور بھی ہوں گے
سجاد باقر رضوی 
(503) ووٹ وصول ہوئے
In Urdu By Famous Poet Sajjad Baqar Rizvi. is written by Sajjad Baqar Rizvi. Enjoy reading Poem on Inspiration for Students, Youth, Girls and Boys by Sajjad Baqar Rizvi. Free Dowlonad by Sajjad Baqar Rizvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends