چاہت جی کا روگ ہے پیارے جی کو روک لگاؤ کیوں
چاہت جی کا روگ ہے پیارے جی کو روک لگاؤ کیوں
جیسی کرنی ویسی بھرنی اب اس پر پچھتاؤ کیوں
سرخ ہیں آنکھیں زرد ہے چہرہ رنگوں کی ترتیب عجیب
اس بے رنگ زمانے کو تم ایسے رنگ دکھاؤ کیوں
دل کا در کب بند ہوا ہے کوئی آئے کوئی جائے
جو آئے اور کبھی نہ جائے وہ مہمان بلاؤ کیوں
صبح کا بھولا شام کو واپس گھر آئے تو غنیمت ہے
جن گلیوں میں جا کے نہ لوٹو ان گلیوں میں جاؤ کیوں
آس کی ڈور بہت نازک تھی بوجھ پڑا تو ٹوٹ گئی
تیز ہوائیں جب چلتی ہوں اونچی پیچ لڑاؤ کیوں
ساری رتیں آنی جانی ہیں ہر رب کا ہے اپنا رنگ
رنگ کا دھوکا کھانے والو اپنا رنگ اڑاؤ کیوں
آس کا دامن چھوٹ گیا تو ہاتھوں کو آزاد نہ دو
اپنی چادر چھوٹی ہو تو پاؤں بہت پھیلاؤ کیوں
پیار کی شدت دل کی حدت باقرؔ اس کو راس نہیں
گرم ہوا کے جھونکوں سے اس پھول کو تم کمہلاؤ کیوں
سجاد باقر رضوی 
(469) ووٹ وصول ہوئے
In Urdu By Famous Poet Sajjad Baqar Rizvi. is written by Sajjad Baqar Rizvi. Enjoy reading Poem on Inspiration for Students, Youth, Girls and Boys by Sajjad Baqar Rizvi. Free Dowlonad by Sajjad Baqar Rizvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends