بے دلی وہ ہے کہ مرنے کی تمنا بھی نہیں
بے دلی وہ ہے کہ مرنے کی تمنا بھی نہیں
اور جی لیں کسی امید پہ ایسا بھی نہیں
نہ کوئی سر کو ہے سودا نہ کوئی سنگ سے لاگ
کوئی پوچھے تو کچھ ایسا غم دنیا بھی نہیں
وقت وہ ہے کہ جبیں لے کے کرو در کی تلاش
عجب آشفتہ سری ہے کہ تماشا بھی نہیں
اپنے آئینے میں خود اپنی ہی صورت ہوئی مسخ
مگر اس ٹوٹے ہوئے دل کا مداوا بھی نہیں
ہو کا عالم ہے کوئی نعرۂ مستانۂ حق
کیا تری بزم وفا میں کوئی اتنا بھی نہیں
لفظ و معنی میں نہیں ربط مگر ہائے امید
اس پہ بیٹھے ہیں کہ وہ ٹالنے والا بھی نہیں
بے خودی ہائے تمنا کی نہ تھی فرصت وہم
بے کسی ہائے تماشا کہ کوئی تھا بھی نہیں
پھول بن کر جو مہکتا تھا کبھی دل کے قریب
خار بن کر کبھی پہلو میں کھٹکتا بھی نہیں
تم بھی کہلاتے ہو دامن کش دنیا باقرؔ
سچ تو یہ ہے تمہیں جینے کا سلیقہ بھی نہیں
سجاد باقر رضوی 
(491) ووٹ وصول ہوئے
In Urdu By Famous Poet Sajjad Baqar Rizvi. is written by Sajjad Baqar Rizvi. Enjoy reading Poem on Inspiration for Students, Youth, Girls and Boys by Sajjad Baqar Rizvi. Free Dowlonad by Sajjad Baqar Rizvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends