کچھ بے نام تعلق جن کو نام اچھا سا دینے میں
کچھ بے نام تعلق جن کو نام اچھا سا دینے میں
میں تو ساری بکھر گئی ہوں گھر کو اکٹھا رکھنے میں
دائرہ منفی مثبت کا تو اپنی جگہ مکمل ہے
کوئی برقی رو دوڑا دے اس بے جان سے ناطے میں
کون احساس کی لو بخشے گا روکھے پھیکے منظر کو
کون پروئے گا جذبوں کے موتی حرف کے دھاگے میں
ایسا کیا اندھیر مچا ہے میرے زخم نہیں بھرتے
لوگ تو پارہ پارہ ہو کر جڑ جاتے ہیں لمحے میں
رنج کی اک بے موسم ٹہنی دل سے یوں پیوستہ ہے
پوری شاخ ہری ہو جائے ایک سرا چھو لینے میں
اوپر سے خاموشی اوڑھ کے پھرتے ہیں جو لوگ وہی
دھجی دھجی پھرتے ہیں اندر کے پاگل خانے میں
سیلابوں کی ریت سے جس کو تو نے عبث نمناک کیا
دھیرے بہتا اک دریا بن اس صحرا کے سینے میں
بارش ایک پڑے تو باہر آپے سے ہو جاتی ہے
جس مخلوق نے آنکھیں کھولیں دھرتی کے تہہ خانے میں
صائمہ اسما 
(528) ووٹ وصول ہوئے
In Urdu By Famous Poet Saima Asma. is written by Saima Asma. Enjoy reading Poem on Inspiration for Students, Youth, Girls and Boys by Saima Asma. Free Dowlonad by Saima Asma in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends