کچھ تو رنگینیٔ افکار کھلے
کچھ تو رنگینیٔ افکار کھلے
سیفؔ چل مطلع انوار کھلے
برگ گل جیسے ہوا کے رخ پر
کس لطافت سے لب یار کھلے
تو ذرا بند قبا کھول تو دے
جوہر نافۂ تاتار کھلے
دیکھ اے کوچۂ جاناں کی ہوا
دل کے دروازے کئی بار کھلے
زخم دل ہم نے چھپائے ورنہ
تیری آنکھوں نے کئے وار کھلے
واہ کیا ڈھنگ ہیں صیادوں کے
لوگ پھرتے ہیں گرفتار کھلے
کیا اسی طرح گزر جائے گی
کچھ تو ان پر بھی دل زار کھلے
حسرت دید پس مرگ نہ پوچھ
رہ گئے دیدۂ بے دار کھلے
لب خاموش کو وا کر ظالم
یہ ہے اقرار کہ انکار کھلے
صاف بخشے گئے وہ حشر کے دن
جو نظر آئے گنہ گار کھلے
کعبہ جا کر بھی ہمیں کشف ہوا
بت کدے میں بھی کچھ اسرار کھلے
ہم بھی قسمت کا لکھا دیکھیں گے
سیفؔ چل نامۂ دل دار کھلے
سیف الدین سیف 
(452) ووٹ وصول ہوئے
In Urdu By Famous Poet Saifuddin Saif. is written by Saifuddin Saif. Enjoy reading Poem on Inspiration for Students, Youth, Girls and Boys by Saifuddin Saif. Free Dowlonad by Saifuddin Saif in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends