Mujhe Gale Se Laga Lo Bahut Udas Hun Main
mujhe gale se laga lo bahut udas hun main
gham-e-jahan se chhuDa lo bahut udas hun main
ye intizar ka dukh ab saha nahin jata
taDap rahi hai mohabbat raha nahin jata
tum apne pas bala lo bahut udas hun main
bhaTak chuki hun bahut zindagi ki rahon mein
mujhe ab aa ke chhupa lo tum apni banhon mein
mera sawal na Talo bahut udas hun main
har ek sans mein milne ki pyas palti hai
sulag raha hai badan aur ruh jalti hai
bacha sako to bacha lo bahut udas hun main
Sahir Ludhianvi 
(5324) Peoples Rate This