عدوئے بد گماں کی داستاں کچھ اور کہی ہے
عدوئے بد گماں کی داستاں کچھ اور کہتی ہے
مگر تیری نگاہ خوش بیاں کچھ اور کہتی ہے
خزاں کے دم سے اپنی خوش دلی کا ہے بھرم ورنہ
بہار آتے ہی یاد آشیاں کچھ اور کہتی ہے
سنو دل سے تو پھر ہر نغمۂ عشرت کے پردے میں
الم کی داستان خوں چکاں کچھ اور کہتی ہے
نظر ان کی زباں ان کی تعجب ہے کہ اس پر بھی
نظر کچھ اور کہتی ہے زباں کچھ اور کہتی ہے
ہزار انداز سے اہل ہوس اب دام پھیلائیں
نوائے طائر عرش آشیاں کچھ اور کہتی ہے
ترے لطف و کرم کا معترف ہے اک جہاں لیکن
کسی مجبور غم کی داستاں کچھ اور کہتی ہے
خوشا تیری نظر کا امتیاز جلوت و خلوت
وہاں کچھ اور کہتی تھی یہاں کچھ اور کہتی ہے
گلستاں میں بہار گل فشاں آنے سے کیا حاصل
کہ مستقبل کی تصویر خزاں کچھ اور کہتی ہے
وہ میرے حال پر ساحرؔ کبھی جو مسکراتے ہیں
تو دل سے اپنی سعئ رائیگاں کچھ اور کہتی ہے
ساحر ہوشیار پوری 
(620) ووٹ وصول ہوئے
In Urdu By Famous Poet Sahir Hoshiyarpuri. is written by Sahir Hoshiyarpuri. Enjoy reading Poem on Inspiration for Students, Youth, Girls and Boys by Sahir Hoshiyarpuri. Free Dowlonad by Sahir Hoshiyarpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends