جسد نے جان سے پوچھا کہ قلب بے ریا کیا ہے
جسد نے جان سے پوچھا کہ قلب بے ریا کیا ہے
خطاب آیا کہ آئینہ میں جوہر کے سوا کیا ہے
عیاں آئینہ میں ہے صورت معنی صفا کیا ہے
نہاں تسکین میں ہے اضطراب دل ریا کیا ہے
مٹانا آپ کو نابود ہو جانا فنا کیا ہے
سمانا آپ میں اور خود بہ خود ہونا بقا کیا ہے
دو عالم جلوہ گاہ حسن میں عین بصیرت میں
یہ عکس شخص ہے آئینہ میں صورت نما کیا ہے
وہ یکتا ذات ہے عین سرور علم و حق اے دل
نہاں کثرت میں وحدت ہو گئی ہے ماسوا کیا ہے
قدم ہے ذات واحد حال ہے ماضی و مستقبل
ازل سے تا ابد کی ابتدا کیا انتہا کیا ہے
مٹا کر دل سے پندار خودی انصاف سے دیکھو
کہ بے ذوق تمنا ہستی بیم و رجا کیا ہے
نہ تھے آپے میں موسی ورنہ ان کا حوصلہ کیا تھا
جو بول اٹھتے کہ آ پردہ سے باہر دیکھتا کیا ہے
تجلی بن گئی ساحرؔ نقاب روئے جان جاں
کہ دیدن حکم نادیدن ہے یا رب ماجرا کیا ہے
ساحر دہلوی 
(467) ووٹ وصول ہوئے
In Urdu By Famous Poet Sahir Dehlavi. is written by Sahir Dehlavi. Enjoy reading Poem on Inspiration for Students, Youth, Girls and Boys by Sahir Dehlavi. Free Dowlonad by Sahir Dehlavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends