توبہ توبہ سے ندامت کی گھڑی آئی ہے
توبہ توبہ سے ندامت کی گھڑی آئی ہے
میکدے پر بڑی گھنگھور گھٹا چھائی ہے
رنگ کچھ اتنا مری وحشت دل لائی ہے
مجمع عام ہے اور آپ کا سودائی ہے
اشک پیتا ہوں تو لو دیتے ہیں چھالے دل کے
آہ کرتا ہوں تو پھر عشق کی رسوائی ہے
لو نہ دینے لگیں جلتے ہوئے گل کے رخسار
عارض گل پہ جو شبنم نے جگہ پائی ہے
میں تصور کی حدوں سے بھی گزر جاؤں گا
مجھ سے ملنے میں اگر آپ کی رسوائی ہے
جب بھی الجھا ہے سکوت شب غم سے مرا دل
تیری یادوں نے طبیعت مری بہلائی ہے
شیخ صاحب کی نصیحت بھری باتوں کے لئے
کتنا رنگین جواب آپ کی انگڑائی ہے
جب کبھی ترک مے و جام کا آیا ہے خیال
موج سے پھر تری تصویر ابھر آئی ہے
اپنی تقدیر پہ بے ساختہ آئی ہے ہنسی
جب بھی کشتی کوئی ساحل پہ نظر آئی ہے
کہکشاں ڈالے ہے چہرے پہ روپہلا آنچل
چاندنی پاؤں تلے بچھنے چلی آئی ہے
کون کہتا ہے بلندی پہ نہیں ہوں ساگرؔ
میری معراج محبت مری رسوائی ہے
ساغر خیامی 
(840) ووٹ وصول ہوئے
In Urdu By Famous Poet Saghar Khayyami. is written by Saghar Khayyami. Enjoy reading Poem on Inspiration for Students, Youth, Girls and Boys by Saghar Khayyami. Free Dowlonad by Saghar Khayyami in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends