اپنی تلاش میں نکلے
بہت گمان ہے اپنے وجود کا مجھ کو
مگر کوئی بھی حقیقت عیاں نہیں مجھ پر
خزاں رسیدہ کسی برگ ناتواں کی طرح
گمان یہ کہ سفر میرے اختیار میں ہے
مجھے تو یہ بھی نہیں علم کیا ہے میری ذات
میں جس کو ڈھونڈ رہا ہوں وہ کون ہے کیا ہے
وہ چاہتا ہے اسے ڈھونڈ لوں اگر میں بھی
کوئی نشان کوئی روشنی تو لازم ہے
تو اس حقیقت مخفی کو جاننے کے لیے
چلو خدا سے کوئی بات کر کے دیکھتے ہیں
اگر یہ پردہ نشینی ہی باقی رکھنی ہے
اگر تلاش کا یہ امتحان جاری ہے
تو میرے دیدۂ شب کے سکون کی خاطر
عطا کرے کوئی حکمت کوئی ہنر ایسا
کہ جب میں جاگوں
تو اصحاب کہف کی مانند
نہ کوئی پردہ نہ ابہام ہو مرے آگے
وہ وقت آئے کہ مجھ سے وہ ذات کھل جائے
مرے نصیب سے اک آگہی کا دور ملے
مرے وجود سے یہ کائنات کھل جائے
چلو اسی سے پتہ اس کا پوچھ لیتے ہیں
چلو خدا سے کوئی بات کر کے دیکھتے ہیں
سعید نقوی 
(570) ووٹ وصول ہوئے
In Urdu By Famous Poet Saeed Naqvi. is written by Saeed Naqvi. Enjoy reading Poem on Inspiration for Students, Youth, Girls and Boys by Saeed Naqvi. Free Dowlonad by Saeed Naqvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends