عذابوں کا شہر
یہ عذابوں کا شہر ہے
یہاں خود کو بچانے کے تمام حربے
بے کار ثابت ہوتے ہیں
جب تم سو رہے ہوگے
کوئی تمہاری ٹانگیں چرا لے جائے گا
اور جب تم اپنے پڑوسی سے
ٹانگیں ادھار لے کر
پولس تھانے
رپورٹ لکھوانے کے لیے پہنچو گے
تو تھانے دار رشوت میں
تمہاری آنکھوں کا مطالبہ کرے گا
جن کے دینے سے انکار کرنے پر
تم دھر لیے جاؤ گے
دماغ کی سمگلنگ کے جرم میں
وکیل کو اپنے بازو
اور مجسٹریٹ کو ناک اور کان دیے بغیر
تمہاری رہائی ممکن نہیں
عدالت سے
با عزت رہا ہونے کے بعد
اپنے کھوئے ہوئے تمام اعضا
حاصل کرنے کے لیے تمہیں
صرف اپنا ضمیر چکانا پڑے گا
صادق 
(497) ووٹ وصول ہوئے
In Urdu By Famous Poet Sadiq. is written by Sadiq. Enjoy reading Poem on Inspiration for Students, Youth, Girls and Boys by Sadiq. Free Dowlonad by Sadiq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends