اور موڑ نے کہا
بعد مدت چلے آئے کیسے ادھر
آج کس طرح میرا خیال آ گیا
ٹھہرو رک جاؤ رشتہ ہے کچھ مجھ سے بھی
کچھ دنوں کا نہیں ربط دیرینہ ہے
نقش پا میں تمہارے لیے بیٹھا ہوں
راز سینے میں ہے لب سیئے بیٹھا ہوں
ایسے گزرے ہو پہچانتے ہی نہیں
تم تو جیسے مجھے جانتے ہی نہیں
رک گیا اور کچھ سوچ کر کھو گیا
دور اپنے تصور سے بھی ہو گیا
بھولی بسری ہوئی رات یاد آ گئی
بیتے لمحوں کی ہر بات یاد آ گئی
کس کے ہم راہ آیا تھا اس موڑ پر
کون ساتھ پانے لایا تھا اس موڑ پر
ہاں یہیں تیری زلفوں کا سایہ ملا
ہاں یہیں آرزؤں کا غنچہ کھلا
ہاں یہیں دل کی دھڑکن ہوئی تھی جواں
ہاں یہیں تو ملے تھے زمیں آسماں
اب میں اس موڑ سے کیا کہوں؟ تو بتا
پوچھتا ہے ''وہ سایہ کہاں رہ گیا''
صابر دت 
(583) ووٹ وصول ہوئے
In Urdu By Famous Poet Sabir Dutt. is written by Sabir Dutt. Enjoy reading Poem on Inspiration for Students, Youth, Girls and Boys by Sabir Dutt. Free Dowlonad by Sabir Dutt in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends