مستقل اب بجھا بجھا سا ہے
مستقل اب بجھا بجھا سا ہے
آخر اس دل کو یہ ہوا کیا ہے
تم کو چاہا بڑا قصور کیا
تم ہی بتلا دو کہ اب سزا کیا ہے
مانگ لوں ان کا دل اگر وہ کہیں
قتل کا تیرے خوں بہا کیا ہے
کیوں نفس میں کباب کی بو ہے
میرے سینے میں یہ جلا کیا ہے
مہر ہے ثبت قلب واعظ پر
داغ ماتھے پہ بد نما کیا ہے
حضرت دل ہیں کیوں اداس اداس
نا امیدی نے کچھ کہا کیا ہے
کافی اک لفظ ہے حضور خدا
یہ شب و روز التجا کیا ہے
وہی مانگو کہ ہو دعا مقبول
یعنی اللہ چاہتا کیا ہے
دیکھیے یہ کلام مہدیؔ میں
فکر انساں کی انتہا کیا ہے
میں نے آنکھوں سے اشک پونچھے تھے
رنگ دامن پہ لال سا کیا ہے
ذات مہدیؔ کی پھر غنیمت ہے
گر وہ اچھا نہیں برا کیا ہے
ایس اے مہدی 
(550) ووٹ وصول ہوئے
In Urdu By Famous Poet S A Mehdi. is written by S A Mehdi. Enjoy reading Poem on Inspiration for Students, Youth, Girls and Boys by S A Mehdi. Free Dowlonad by S A Mehdi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends