یاد آتے ہو کس سلیقے سے
یاد آتے ہو کس سلیقے سے
جیسے بارش ہو وقفے وقفے سے
یاد کوئی رہی ہو وابستہ
جیسے ہر رت کے خاص لمحے سے
جیسے یہ بھی ہو حسن کا انداز
بات کرنا مگر تقاضے سے
موسم گل کو کوئی بتلا دو
دل بھی کھلتا ہے پھول کھلنے سے
رات کا اپنا حسن ہوتا ہے
رات کو دیکھ دن کے شیشے سے
میرے سینے میں رکھ گیا ہر درد
میرا ہمدرد کس قرینے سے
اک شہادت ہے راہ میں مرنا
موت ہے لوٹ جانا رستے سے
لطف اونچی اڑان میں کیا ہے
پوچھ لینا کسی پرندے سے
ہر مخالف ہے واجب القتل آج
تیرے اسلام کے حوالے سے
کار فرما ہے کیا پس الفاظ
کتنا واضح ہے تیرے لہجے سے
کون سی بات ہو گئی ایسی
یار اٹھنے لگے ہیں چپکے سے
دیکھ رفتار زندگی روحیؔ
رک گئی گاڑی ایک جھٹکے سے
روحی کنجاہی 
(773) ووٹ وصول ہوئے
In Urdu By Famous Poet Roohi Kanjahi. is written by Roohi Kanjahi. Enjoy reading Poem on Inspiration for Students, Youth, Girls and Boys by Roohi Kanjahi. Free Dowlonad by Roohi Kanjahi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends