جب کہ ساری کائنات اس کی نگہبانی میں ہے
جب کہ ساری کائنات اس کی نگہبانی میں ہے
دل ازل ہی سے نہ جانے کیسی حیرانی میں ہے
میری فطرت بھی تو شامل میری نادانی میں ہے
لغزش آدم جو پنہاں خون انسانی میں ہے
جانے کس ہنگام میں ڈالی گئی بنیاد دل
دل جو اب تک مبتلا رنج و پریشانی میں ہے
دور کر دیتا ہے بس اک پل میں سب شکوے گلے
یہ کرشمہ بھی کسی کی آنکھ کے پانی میں ہے
کیا سمجھ پائیں گے یہ اہل خرد اس راز کو
لطف دانائی میں کب وہ ہے جو نادانی میں ہے
دل میں آتا ہے حصار ہر طلب کو توڑ دوں
ایسی خواہش بھی تمناؤں کی طغیانی میں ہے
ہو گئی آدم سے یہ کیسی خطا جس کے عوض
نسل آدم آج تک ایسی پشیمانی میں ہے
کوئی صورت جب نہ بن پائی تو رونا آ گیا
کچھ تو تسکین غم دل اشک افشانی میں ہے
گر ملے خود میں سمو لیں سارے انسانوں کا درد
اس قدر وسعت ہماری تنگ دامانی میں ہے
روہت سونی تابشؔ 
(747) ووٹ وصول ہوئے
In Urdu By Famous Poet Rohit Soni 'Tabish'. is written by Rohit Soni 'Tabish'. Enjoy reading Poem on Inspiration for Students, Youth, Girls and Boys by Rohit Soni 'Tabish'. Free Dowlonad by Rohit Soni 'Tabish' in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends