گرچہ مرے خلوص سے وہ بے خبر نہ تھا
گرچہ مرے خلوص سے وہ بے خبر نہ تھا
پھر بھی مری وفاؤں کا اس پر اثر نہ تھا
میں اس فریب حسن سے خود با خبر نہ تھا
وہ تھا تو میرے ساتھ بظاہر مگر نہ تھا
اپنا اسے بنا نہ سکا میں تمام عمر
مجھ میں بہت ہنر تھے مگر یہ ہنر نہ تھا
لب تھے خموش خوف سے اظہار عشق کے
پر آنسوؤں کو میرے کسی کا بھی ڈر نہ تھا
سارے جہاں کی خاک کو ہم چھاننے کے بعد
لوٹے تو دیکھا اپنا گھر اب اپنا گھر نہ تھا
بیمار غم کے واسطے کیا موت کے سوا
کوئی علاج دہر میں اے چارہ گر نہ تھا
کیا میکدے کا نظم بھی تبدیل ہو گیا
ساقی جو دور جام ادھر تھا ادھر نہ تھا
ہوتی بھی فتح کیسے مری جب تھے ساتھ ساتھ
وہ لوگ جن کے شانے پہ خود اپنا سر نہ تھا
کیوں اس نے کی نہ زحمت چارہ گری قبول
کیا اس کے پاس چارۂ زخم جگر نہ تھا
کافی تھا مجھ کو راہ وفا میں خیال یار
تابشؔ بلا سے کوئی مرا ہم سفر نہ تھا
روہت سونی تابشؔ 
(515) ووٹ وصول ہوئے
In Urdu By Famous Poet Rohit Soni 'Tabish'. is written by Rohit Soni 'Tabish'. Enjoy reading Poem on Inspiration for Students, Youth, Girls and Boys by Rohit Soni 'Tabish'. Free Dowlonad by Rohit Soni 'Tabish' in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends