بنارس
بھٹکتی ہوئی وقت کی آتمائیں
ترے گھاٹ کے پتھروں کی زباں سے
یگوں کی صداؤں کی صورت ابھر کر
گھلی جا رہی ہے بجھے پانیوں میں
تری سانس کی شاہراہوں پر پھوٹی
وہی تنگ گلیاں، وہ گلیوں میں گلیاں!
کہ جیسے رگوں کا بنے جال کوئی
جہاں لاکھ بھٹکو، نہ کوئی سفر ہو
سفر فاصلہ ہے، سفر مرحلہ ہے
یہیں پر حیات اور یہیں پر فنا ہے
اسی مرحلے سے ،اسی فاصلے سے
اک امکان بن کر جو بہتا ہے پانی
سبھی اپنی اپنی قدامت کے آثار
دھیرے سے اس میں بہانے لگے ہیں
سبھی اپنی فلک بوس تنہائی
ترے افق پر سجانے لگے ہیں
کوئی راگ خاموش گانے لگے ہیں
مقدس بیابان، جسموں کے مرکز!
تری روح کے بے کراں ،سرد کونے میں
صدیاں غلاظت کیے جا رہی ہیں
بنارس تری سب مجرد ادائیں
حسیں موت پا کر جیے جا رہی ہے!
ریاض لطیف 
(579) ووٹ وصول ہوئے
In Urdu By Famous Poet Riyaz Latif. is written by Riyaz Latif. Enjoy reading Poem on Inspiration for Students, Youth, Girls and Boys by Riyaz Latif. Free Dowlonad by Riyaz Latif in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends