وہ گل ہیں نہ ان کی وہ ہنسی ہے
وہ گل ہیں نہ ان کی وہ ہنسی ہے
دیکھو جدھر اس سی پڑی ہے
کیوں سوگ کی رسم جیتے جی ہے
مرنے کی ہمارے کیا کہی ہے
آڑی ہیکل کو چوم لے گی
وہ چیز جو کچھ اٹھی اٹھی ہے
دعوت تھی رقیب کی مرے گھر
جوتی میں دال کیا بٹی ہے
آیا دبے پاؤں قبر پر کون
کوئی نہیں میری بیکسی ہے
ایک وضع پر اب خدا نباہے
توبہ کر کے شراب پی ہے
واعظ ہے خراب خواہش خلد
بالکل یہ شخص جنتی ہے
کچھ پھوٹ پڑی ہے گھنگھرؤں میں
چھاگل کچھ ان کی کہہ رہی ہے
مجبور فرشتہ ہے بدی کا
پہلے ہی سے کچھ کہی بدی ہے
پیوستہ نہیں مرا لب شوق
تیرے لب پر تری ہنسی ہے
اب کون کلیم بن کے آیا
پھر طور پر آگ سی لگی ہے
ہے آنکھ میں آنکھ کون ڈالے
کوئی نہیں تیری آرسی ہے
کیسا پینا کہاں کی توبہ
اب میں ہوں خدا ہے بے خودی ہے
خوش ہو گے ریاضؔ سے بھی ملنا
کیا باغ و بہار آدمی ہے
ریاضؔ خیرآبادی 
(492) ووٹ وصول ہوئے
In Urdu By Famous Poet Riyaz Khairabadi. is written by Riyaz Khairabadi. Enjoy reading Poem on Inspiration for Students, Youth, Girls and Boys by Riyaz Khairabadi. Free Dowlonad by Riyaz Khairabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends