نہیں چھپتا ترے عتاب کا رنگ
نہیں چھپتا ترے عتاب کا رنگ
کہ بدلنے لگا نقاب کا رنگ
بھر گیا آنکھ میں شراب کا رنگ
ظالم اف رے ترا شباب کا رنگ
اب تو لالے ہیں جان مضطر کے
اور ہی کچھ ہے اضطراب کا رنگ
تیرے آتے ہی ہو گئی پانی
اڑ گیا محتسب شراب کا رنگ
رنگ لائے گا دیدۂ پر آب
دیکھنا دیدۂ پر آب کا رنگ
داغ دامن نے بھی کیا پیدا
حشر کے روز آفتاب کا رنگ
شیخ جانا ہے تجھ کو جنت میں
دیکھتا جا مری شراب کا رنگ
صدقے میں اپنی پارسائی کے
کہ بڑھاپے میں ہے شباب کا رنگ
خون سے جیسے واسطہ ہی نہیں
صاف ہے خنجر پر آب کا رنگ
ریش واعظ سفید ہے کتنی
نہیں چڑھتا کبھی خضاب کا رنگ
رنگ کا اس کے پوچھنا کیا ہے
جس کا سایہ بھی دے گلاب کا رنگ
سچ ہے اے حضرت ریاضؔ یہ بات
کہ جدا سب سے ہے جناب کا رنگ
ریاضؔ خیرآبادی 
(532) ووٹ وصول ہوئے
In Urdu By Famous Poet Riyaz Khairabadi. is written by Riyaz Khairabadi. Enjoy reading Poem on Inspiration for Students, Youth, Girls and Boys by Riyaz Khairabadi. Free Dowlonad by Riyaz Khairabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends