ہوئے جب سے محبت آشنا ہم
ہوئے جب سے محبت آشنا ہم
نہیں لاتے زباں پر مدعا ہم
سعادت ہے جو بن جائیں جہاں میں
کسی مجبور دل کا آسرا ہم
چلائے تیر چھپ چھپ کر جنہوں نے
کریں گے ان کے حق میں بھی دعا ہم
مٹے گا داغ سجدہ کب جبیں سے
خدا جانے بنیں گے کب خدا ہم
ہمارے درمیاں کیوں فاصلے ہیں
کبھی سوچا نہ ہم نے مل کے باہم
خموشی مسلک صاحب دلاں ہے
کسی کو بھی نہیں کہتے برا ہم
ہماری روح نغمہ خواں رہے گی
فنا ہو کر نہیں ہوں گے فنا ہم
ہمیں ہے اعتماد اپنی وفا پر
نہیں کرتے کسی کا بھی گلا ہم
زمانہ ساز نکلے تم تو کیا ہے
ذرا سی بات کو کیا دیں ہوا ہم
اگر عزت نہ دی اہل حرم نے
اٹھا لائیں گے اپنا بوریا ہم
تصور بھی نہیں باقی خوشی کا
غم دنیا میں یوں ہیں مبتلا ہم
مسلسل خامشی کے بعد رفعتؔ
سر مقتل ہوئے ہیں لب کشا ہم
رفعت سلطان 
(921) ووٹ وصول ہوئے
In Urdu By Famous Poet Rifat Sultan. is written by Rifat Sultan. Enjoy reading Poem on Inspiration for Students, Youth, Girls and Boys by Rifat Sultan. Free Dowlonad by Rifat Sultan in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends