رقص
مرے ہم رقص
میں جب ایڑیاں اپنی اٹھا کر
تمہارے مضبوط کندھوں سے پرے
پس منظر میں رقصاں زیست کو
وفا کا گیت گاتے دیکھتی ہوں
تو مری مسرور آنکھیں
وفور عشق سے بے تاب ہو کر کانپتی ہیں
مرے چہرے کو
پلکوں کا نغمہ سرخ کرتا ہے
بدن کا خون رخساروں پہ شعلے پھینکتا ہے
محبت مانگ میں میری
روپہلی اور سنہری
افشاں چھڑکتی ہے
میں اپنی گرم سانسوں سے
مہکتے اور اجلے خوش نما کالر تلے
تمہاری گندمی
چمکیلی دمکتی جلد چھوتی ہوں
مرے محبوب لمحے مچلتے جگنوؤں جیسے
مرے ملبوس کے لہرے سے مل کر
دائروں میں جھلملاتے ہیں
تم اپنے بازوؤں کی
گرفت بے پناہ کو ذرا کم کرو
کہ میں
تمہاری دھڑکنوں کی تال پر پاؤں اٹھاؤں
مجھے ڈر ہے مرا دل راستہ نہ بھول جائے
مطربہ
ساز بجا
رفعت ناہید 
(472) ووٹ وصول ہوئے
In Urdu By Famous Poet Rifat Naheed. is written by Rifat Naheed. Enjoy reading Poem on Inspiration for Students, Youth, Girls and Boys by Rifat Naheed. Free Dowlonad by Rifat Naheed in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends