مکان دل سے جو اٹھتا تھا وہ دھواں بھی گیا
مکان دل سے جو اٹھتا تھا وہ دھواں بھی گیا
بجھی جو آتش جاں زیست کا نشاں بھی گیا
بہت پناہ تھی اس گھر کی چھت کے سائے میں
وہاں سے نکلے تو پھر سر سے آسماں بھی گیا
بڑھا کچھ اور تجسس جلا کچھ اور بھی ذہن
حقیقتوں کے تعاقب میں میں جہاں بھی گیا
رہے نہ ساتھ جو پچھتاوے بھی تو رنج ہوا
کہ حاصل سفر عمر رائیگاں بھی گیا
بچے ہوئے تھے تو ایک ایک لمحہ گنتے تھے
بکھر گئے تو پھر اندازۂ زماں بھی گیا
نشان تک نہ رہا اپنے غرق ہونے کا
دکھائی دیتا تھا جو اب وہ بادباں بھی گیا
بھرا تھا دامن خواہش تو حشر برپا تھا
ہوا تہی تو پھر آوازۂ سگاں بھی گیا
اب اس اداس حویلی سے اپنا کیا رشتہ
مکیں کے ساتھ ہمارے لیے مکاں بھی گیا
بساط دہر پہ شہ مات ہو گئی ہم کو
ریاضؔ وہ بھی نہ ہاتھ آیا نقد جاں بھی گیا
ریاض مجید 
(604) ووٹ وصول ہوئے
In Urdu By Famous Poet Riaz Majeed. is written by Riaz Majeed. Enjoy reading Poem on Inspiration for Students, Youth, Girls and Boys by Riaz Majeed. Free Dowlonad by Riaz Majeed in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends