چراغ زیست مدھم ہے ابھی تو نم نہ کر آنکھیں
چراغ زیست مدھم ہے ابھی تو نم نہ کر آنکھیں
ابھی امید میں دم ہے ابھی تو نم نہ کر آنکھیں
کبھی تو وصل کی چارہ گری بھی کام آئے گی
ابھی تو ہجر مرہم ہے ابھی تو نم نہ کر آنکھیں
ابھی تو سامنے بیٹھی ہوں بالکل سامنے تیرے
ابھی کس بات کا غم ہے ابھی تو نم نہ کر آنکھیں
ابھی جو فکر ہے تیری اسے ثابت تو ہونے دے
ابھی یاروں میں دم خم ہے ابھی تو نم نہ کر آنکھیں
سرابوں سے ابھی امید کے جھرنے نہیں پھوٹے
عجب تشنہ سا عالم ہے ابھی تو نم نہ کر آنکھیں
بہاریں ہوں نہ ہوں پھر بھی چمن خالی نہیں رہتا
یہ موسم غم کا موسم ہے ابھی تو نم نہ کر آنکھیں
ابھی منظر بدلتے ہی بدل جائیں گے سب چہرے
بچھڑتے وقت کا غم ہے ابھی تو نم نہ کر آنکھیں
ابھی اے بلبلو گاؤ نہ نغمے تم بہاروں کے
ابھی تو لطف پیہم ہے ابھی تو نم نہ کر آنکھیں
رینو نیر 
(645) ووٹ وصول ہوئے
In Urdu By Famous Poet Renu Nayyar. is written by Renu Nayyar. Enjoy reading Poem on Inspiration for Students, Youth, Girls and Boys by Renu Nayyar. Free Dowlonad by Renu Nayyar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends