کیسے اس شہر میں رہنا ہوگا
کیسے اس شہر میں رہنا ہوگا
ہائے وہ شخص کہ مجھ سا ہوگا
رنگ بکھریں گے جو میں بکھروں گا
تو جو بکھرے گا تو ذرہ ہوگا
خشک آنکھوں سے اسی سوچ میں ہوں
ابر اس بار بھی برسا ہوگا
اب بھی پہروں ہے یہی سوچ مجھے
وہ مجھے چھوڑ کے تنہا ہوگا
وہ بدن خواب سا لگتا ہے مجھے
جو کسی نے بھی نہ دیکھا ہوگا
یہ تغیر کی ہوا ہے پیارے
اب جہاں پھول ہیں صحرا ہوگا
دیکھنا تم کہ یہی کنج بہار
پھر جو گزرو گے تو سونا ہوگا
نہ یہ چہرے نہ یہ میلے ہوں گے
نہ کوئی دوست کسی کا ہوگا
ایسا بدلے گا ستم گر موسم
خون شاخوں سے ٹپکتا ہوگا
نہ کسی سر میں محبت کا جنوں
نہ کسی دل میں یہ سودا ہوگا
حسن مجبور تہہ دام ہوس
عشق محروم نظارا ہوگا
ہم نے گھر اپنا جلایا ہے کہ شوقؔ
شہر میں کچھ تو اجالا ہوگا
رضی اختر شوق 
(711) ووٹ وصول ہوئے
In Urdu By Famous Poet Razi Akhtar Shauq. is written by Razi Akhtar Shauq. Enjoy reading Poem on Inspiration for Students, Youth, Girls and Boys by Razi Akhtar Shauq. Free Dowlonad by Razi Akhtar Shauq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends