دستک سی یہ کیا تھی کوئی سایا ہے کہ میں ہوں
دستک سی یہ کیا تھی کوئی سایا ہے کہ میں ہوں
اک شخص مری طرح کا آیا ہے کہ میں ہوں
سب جیسا ہوں لیکن مرے تصویر گروں نے
چہرہ مرا اس رخ سے بنایا ہے کہ میں ہوں
کیا نیند تھی وہ اپنے نہ ہونے کے نشہ کی
کیوں یہ مرے ہونے نے بتایا ہے کہ میں ہوں
میں ہوں کہ ہیں موجود مرے دیکھنے والے
خود مجھ کو تو کم کم نظر آیا ہے کہ میں ہوں
میں ہوں سو یہ خوشبو تری آتی رہی مجھ سے
کچھ تیرے بھی ہونے سے سجھایا ہے کہ میں ہوں
میں اس میں مگن وہم ہے یا خواب ہے ہستی
لوگوں نے مگر دام بچھایا ہے کہ میں ہوں
دیکھوں تو مرے عکس سے کیا کہتا ہے دریا
پل بھر کو تو لہروں نے بتایا ہے کہ میں ہوں
کچھ رنگ لگائے بھی ہیں تصویر گروں نے
یا ہنس کے یہ کاغذ ہی اڑایا ہے کہ میں ہوں
کچھ کم تو نہیں یہ مرے ہونے کی گمراہی
اس جرم میں کس کس نے ستایا ہے کہ میں ہوں
رضی اختر شوق 
(654) ووٹ وصول ہوئے
In Urdu By Famous Poet Razi Akhtar Shauq. is written by Razi Akhtar Shauq. Enjoy reading Poem on Inspiration for Students, Youth, Girls and Boys by Razi Akhtar Shauq. Free Dowlonad by Razi Akhtar Shauq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends