کسی کے زخم پر اشکوں کا پھاہا رکھ دیا جائے
کسی کے زخم پر اشکوں کا پھاہا رکھ دیا جائے
چلو سورج کے سر پر تھوڑا سایہ رکھ دیا جائے
مرے مالک سر شاخ شجر اک پھول کی مانند
مری بے داغ پیشانی پہ سجدہ رکھ دیا جائے
گنہ گاروں نے سوچا ہے مسلسل نیکیاں کر کے
شب ظلمت کے سینے پر اجالا رکھ دیا جائے
تن بے سر ہوں میرے سائے میں اب کون بیٹھے گا
درختوں میں مرے حصے کا سایہ رکھ دیا جائے
بلاتے ہیں ہمیں محنت کشوں کے ہاتھ کے چھالے
چلو محتاج کے منہ میں نوالہ رکھ دیا جائے
دعائیں مانگتے ہیں وہ ہمارے رزق کی خاطر
فقیروں کے لئے تھوڑا سا آٹا رکھ دیا جائے
مجھے چلنے نہیں دیں گے یہ میرے پاؤں کے چھالے
مرے تلووں کے نیچے کوئی کانٹا رکھ دیا جائے
رواجوں کی وہ کثرت ہے کہ دم گھٹنے لگا اپنا
اٹھا کر اب رضاؔ پارینہ قصہ رکھ دیا جائے
رضا مورانوی 
(574) ووٹ وصول ہوئے
In Urdu By Famous Poet Raza Mauranvi. is written by Raza Mauranvi. Enjoy reading Poem on Inspiration for Students, Youth, Girls and Boys by Raza Mauranvi. Free Dowlonad by Raza Mauranvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends