حسن کی فطرت میں دل آزاریاں
حسن کی فطرت میں دل آزاریاں
اس پہ ظالم نت نئی تیاریاں
سادگی میں آ گئیں دل داریاں
پھول اٹھیں اک پھول میں پھلواریاں
متصل طفلی سے آغاز شباب
خواب کے آغوش میں بیداریاں
چارہ سازوں کی وہ قاتل غفلتیں
درد مندوں کی وہ غیرت داریاں
بس ہجوم شوق اب اس بھیڑ میں
کھوئی جاتی ہیں مری خود داریاں
سوچ کر ان کی گلی میں جائے کون
بے ارادہ ہوتی ہیں تیاریاں
ان کی آنکھوں میں بھی آنسو آ گئے
چھوڑیئے بھی اب غریب آزاریاں
درد دل اور جان لیوا پرسشیں
ایک بیماری کی سو بیماریاں
اور دیوانے کو دیوانہ بناؤ
اللہ اللہ اتنی خاطر داریاں
کھینچ دیتی ہیں خط موج شراب
مد بھری آنکھوں میں رنگیں دھاریاں
عشق اور ضدیں یہ رسم و راہ کی
ہاے دنیا اف ری دنیا داریاں
بندھ رہا ہے اے رضاؔ رخت سفر
ہو رہی ہیں کوچ کی تیاریاں
رضا لکھنوی 
(639) ووٹ وصول ہوئے
In Urdu By Famous Poet Raza Lakhnavi. is written by Raza Lakhnavi. Enjoy reading Poem on Inspiration for Students, Youth, Girls and Boys by Raza Lakhnavi. Free Dowlonad by Raza Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends